ന്യൂയോർക്ക് : കൊവിഡ് 19 വൈറസ് ബാധമൂലം ന്യൂയോർക്കിൽ ഒരു മലയാളി കൂടി മരിച്ചു. സുബിൻ വർഗീസ് (46) ആണ് മരിച്ചത്. ആലപ്പുഴ മേക്കാട്ടിൽ കുടുംബാഗം പരേതനായ പാസ്റ്റർ തോമസ് വർഗീസിന്റെ മകനാണ്. ക്രൈസ്റ്റ് അസംബ്ലീസ് ഓഫ് ഗോഡ് സഭാംഗവും മേക്കാട്ടിൽ ഗ്രാഫിക്‌സ് പ്രിന്റിംഗ് പ്രസ് ഉടമയുമായിരുന്നു സുബിൻ വർഗീസ്. കൊവിഡ് രോഗബാധിതനായി ചികിത്സയിലായിരുന്നു. ഭാര്യ ജോസ്ലിൻ ജയ വർഗീസ്. മക്കൾ: കെയ്റ്റ്‌ലിൻ, ലൂക്ക്, ക്രിസ്റ്റിൻ.
അതേസമയം, അമേരിക്കയിലെ കൊവിഡ് രോഗബാധിതരുടെ എണ്ണം 13 ലക്ഷം കവിഞ്ഞു. രണ്ടേകാൽ ലക്ഷത്തിലധികം പേർ രോഗമുക്തി നേടി. അതേസമയം അമേരിക്കയിൽ കഴിഞ്ഞ 24 മണിക്കൂറിനുള്ളിൽ 1,600 ൽ അധികം പേരാണ് മരിച്ചത്. വൈറ്റ് ഹൗസിലെ ജീവനക്കാർക്ക് പുതുതായി കൊവിഡ് സ്ഥിരീകരിച്ചതും ആശങ്ക ഉളവാക്കുന്നു.