ഗ്രാമവികസന, പഞ്ചായത്തിരാജ്, കൃഷി, കർഷകക്ഷേമ മന്ത്രി നരേന്ദ്ര സിംഗ് തോമർ സംസ്ഥാന ഗ്രാമവികസന മന്ത്രിമാരുമായി വീഡിയോ കോൺഫറൻസ് നടത്തുന്നു.
മഹാത്മാഗാന്ധി ഗ്രാമീണ തൊഴിലുറപ്പ് പദ്ധതി പ്രകാരമുള്ള പ്രവർത്തനങ്ങൾ വർദ്ധിപ്പിക്കുന്നതിനായി നരേന്ദ്ര സിംഗ് തോമർ ഇന്ന് ഗ്രാമവികസന മന്ത്രിമാരുമായും സംസ്ഥാന, കേന്ദ്രഭരണ പ്രദേശങ്ങളിലെ ബന്ധപ്പെട്ട ഉദ്യോഗസ്ഥരുമായും വീഡിയോ കോൺഫറൻസ് നടത്തി.
കോവിഡ് 19 പകർച്ചവ്യാധി പടർന്നുപിടിക്കുന്ന സാഹചര്യം വളരെ ഗൗരവമുള്ളതാണെങ്കിലും ഗ്രാമീണ അടിസ്ഥാന സൗകര്യങ്ങൾ വികസിപ്പിക്കുന്നതിനും ശക്തിപ്പെടുത്തുന്നതിനും ഗ്രാമീണ മേഖലയിൽ തൊഴിലവസരങ്ങൾ സൃഷ്ടിക്കുന്നതിനും എല്ലാ സംസ്ഥാനങ്ങലും ഇതൊരു അവസരമായി കണക്കാക്കണമെന്ന് മന്ത്രി ഓർമ്മിപ്പിച്ചു. ഗ്രാമവികസന മന്ത്രാലയം ഇതിനകം ഒരു ലക്ഷത്തിലധികം രൂപ അനുവദിച്ചിട്ടുണ്ടെന്ന്് അദ്ദേഹം അറിയിച്ചു. ഗ്രാമവികസന പരിപാടികൾക്ക് ആവശ്യമായ സാമ്പത്തിക സ്രോതസ്സുകൾ ലഭ്യമാണെന്ന് മന്ത്രി സംസ്ഥാനങ്ങൾക്കും യുടിമാർക്കും ഉറപ്പ് നൽകി.
എംജിഎൻആർജിഎസിന് കീഴിൽ ജലസംരക്ഷണ മന്ത്രാലയത്തിന്റെയും ഭൂവിഭവ വകുപ്പിന്റെയും പദ്ധതികളുമായി സംയോജിച്ച് ജല സംരക്ഷണം, ജല റീചാർജ്, ജലസേചന പ്രവർത്തനങ്ങൾ എന്നിവയിൽ ശ്രദ്ധ കേന്ദ്രീകരിക്കണമെന്ന് അദ്ദേഹം ഓർമ്മിപ്പിച്ചു.
പിഎംഎവൈ (ജി) പ്രകാരം, ഗുണഭോക്താക്കൾക്ക് മൂന്നാമത്തെയും നാലാമത്തെയും തവണകളായി നൽകിയിട്ടുള്ള 48 ലക്ഷം ഭവന യൂണിറ്റുകൾ പൂർത്തിയാക്കുന്നതിനാണ് മുൻഗണന. പിഎംജിഎസ്വൈ പ്രകാരം, അനുവദനീയമായ റോഡ് പ്രോജക്ടുകളിൽ ടെൻഡറുകൾ വേഗത്തിൽ നൽകുന്നതിലും തീർപ്പുകൽപ്പിക്കാത്ത റോഡ് പ്രോജക്ടുകൾ ആരംഭിക്കുന്നതിലും ശ്രദ്ധ കേന്ദ്രീകരിക്കണം. കരാറുകാർ, വിതരണക്കാർ, തൊഴിലാളികൾ തുടങ്ങിയവർ വേഗത്തിൽ പ്രവൃത്തി ആരംഭിക്കുന്നതിന് ഗാൽവാനൈസ് ചെയ്യണം.
എൻആർഎൽഎമ്മിന് കീഴിൽ മാസ്‌ക്, സാനിറ്റൈസറുകൾ, സോപ്പുകൾ എന്നിവ നിർമ്മിക്കുന്ന വനിതാ സ്വാശ്രയസംഘങ്ങളെയും കമ്മ്യൂണിറ്റി കിച്ചന്റെ പ്രവർത്തനങ്ങളെയും അദ്ദേഹം അഭിനന്ദിച്ചു.