തിരുവനന്തപുരം: സംസ്ഥാനത്ത് സപ്ലൈകോയുടെ ജില്ലാതല ഓണച്ചന്തകൾ നാളെ മുതൽ ആരംഭിക്കും. ഓണച്ചന്ത 30 വരെയാണ്് നടക്കുന്നത്. ഉദ്ഘാടനം ഓഗസ്റ്റ് 21ന് വൈകുന്നേരം നാലിന് മുഖ്യമന്ത്രി പിണറായി വിജയൻ ഓൺലൈനിൽ നിർവഹിക്കും. ഭക്ഷ്യമന്ത്രി പി.തിലോത്തമൻ ചടങ്ങിൽ പങ്കെടുക്കും. കോവിഡ് പ്രോട്ടോക്കോൾ പാലിച്ചാണ് ജില്ലാ ആസ്ഥാനങ്ങളിൽ ചന്തകൾ നടത്തുക.
രാവിലെ 10 മുതൽ വൈകുന്നേരം ആറുവരെയാണ് സമയം. അവധി ബാധകമായിരിക്കില്ല. കണ്ടെയ്‌മെൻറ് സോണുകളിൽ രാവിലെ 8.30 മുതൽ വൈകുന്നേരം ജില്ലാ കളക്ടർ നിശ്ചയിച്ചിട്ടുള്ള സമയം വരെയായിരിക്കും പ്രവർത്തിക്കുകയെന്ന് സിഎംഡി അലി അസ്ഗർ പാഷ അറിയിച്ചു.